978…..l’onda delle parole


poesiadialettaleveron

697544283_861711

news

piuma

Redatto 22 Gennaio 2011    agg. 14 Febbraio 2011

…… La poesia dialettale quella vera, sincera, immediata, ” ruspante “, ha il magico potere, suggerita dallo spirito, di diventare un canto d’amore, di dolore, di conforto, di soavità infinita.

Ha il pregio di arrivare al cuore di chi l’ascolta………. schietta………. viva e godibilissima, come al palato un buon bicchier di vino.


438

356

Troppe volte i poeti sentono voci incoraggianti per i loro versi più o meno ben scritti, più o meno ispirati, più o meno originali.

Ma la realtà è che la poesia poco interessa ad un mondo che corre velocissimo verso un nulla ormai ben visibile.

Ecco allora che lo spirito dei poeti o di chi fa arte si eleva per vedere il mondo e l’uomo da una posizione diversa.

La luna si presta, forse si è sempre prestata, per questo all’uomo, uomo, che la ripaga con versi, con pennellate di colori su delle grigie tele.

Luigi   Ederle

2809540w1ofb0bmir

OCIADE  DA  LA  LUNA

Ociàde da la luna
sui cavai del tempo
li ‘nté de vento
su na facia s-cèta
su penelàde ciare
su lissiàde de sol
su vèce stradèle
spampanè ne la storia
su le morte giassare
che le pontèla i baiti
par coei coatro pitori
che roba al cel i colori
e su la vèrta strada
par la mente granda
che sòmena speranse
con le mane sui penèi.

Luigi Ederle

693895zyt60hb9z8

NA  PENELA’  DE  LUNA

Gh’è na penelà de luna
su na scaessàgna morta
su’ n sentér de viòle
su n’antàna de luce
che la mira le stéle
nel brontolàr de na fontana
che ‘ncora la ciama
butèi e cansirèi.

Luigi Ederle

934

693895zyt60hb9z8

VECIO  SU  LA  TELA


Vecio su la tela
fato belo coi colori
fato santo con la luce nei oci
el gh’éa le mane nei pastròci
on pitor inamorà
che n’altra vita  ‘l t’à donà.


Luigi Ederle

438

NELLA  TUA  VESTE  CANDIDA

Nella tua veste candida ti apri a me come si apre il giorno all’alba

e mi aggrappo a vivere della tua luce.

Con te vivo l’infinito come un’attimo qualsiasi

e scelgo le parole che fine non hanno.

Mi sento raggio di luce su di un fiore che sboccia

e soffio di vento che disperde sementi sull’aperta primavera.

La tua pioggia di baci sul mio corpo spossato

è calore che radica l’amore aspettato.

Luigi Ederle

438

LA  MADONINA

Tasi ceséta !
No sta dirme gnente
parché t’ò za capìo
vardàndote nei òci
rossi e bagné de lagrime !
Tasi, ceséta !
Capisso el to dolor
de no védar drento de tì,
come na olta,
gente inzenocià
nei to banchi
véci e carolé.
Tasi ceséta !
Capisso l’umiliassiòn
nel védarte circondà
da tante case nove e béle
e par tì, vécia e bisognosa
de tuto, nessuno che te pensa…
Cossa éto dito ?
Che quando s’é véci lé méio morir ?
No, cara ceséta, a sto mondo
che vol sempre na s-gìnda de speransa !

k27

SOGNO

Bùteme quà un fioréto
e mì farò altretanto,
sul péto me lo méto,
lo voi tegnér par vanto.
Bùteme quà un to baso
che mi te ne bùto dù,
lori se incontra a caso
par no molàrse più.
Bùteme quà el to amor,
che mi te bùto el mio
e sensa far rumòr
al tuo ghe core a drìo.
Sti nostri amori in volo
i se fonde in uno solo
e sù par aria i sgola
i se tàca e no i se mola.
I se ferma a far el nìo
e sto bel sogno lè finìo !

k27

STO  MONDO  VIGLIACO

Sto mondo vigliàco
fingardo e maldestro,
par tante persone
lé un vero capestro,
nol lassa respìro,
el tenta la gente
ofréndoghe svaghi
che esalta la mente.
Sto mondo vigliaco,
impastà de materia,
el désmentega spesso
la ròba più seria
che lé quela ròba
che ghémo nel cor,
che porta nel mondo
la pace e l’amor.
Sto mondo viglìaco,
stracàrgo de mali,
el cerca solievi
nei voli spassiali
lù vol la conquista
de Venere e Marte,
el spende milioni
e miliardi che parte
che ghe vol par ci và
su altri Pianéti
e ci gà tanta fame
i spéta i pianéti.
Ci more dal fredo
e ci more parché
no i gà medissìne
e iè tanto malé.
Sto mondo vigliàco,
sempre pézo el sarà
se no smetémo, de pàca,
de stofegàr la bontà.

k27

A  BOGONI

Nel boschéto che ghé soto
dela césa de San Ròco,
vedo un lampo
sento ‘n s-ciòco,
l’era proprio un temporàl.
Da lì un poco aqua aqua,
compagnà da ‘n forte vento,
ripararme son na a stento
soto a un grosso castagnàr.
Quanta aqua ch’è vegnù !,
ogni tanto lampi e toni,
tempo adàto da bogòni,
vintiquatro do catà.
Iera proprio ‘na belessa !
come bocie iera grossi,
me fà mal ancora i ossi
dal gran peso ch’ò portà.
Trenta giorni che i se purga
dopo tuti quanti in téia
l’apetito el me se svéia
solo a scrivare e pensàr.

k27

SUL  SO  LETO

Na òltatuti moréasul so léto
e se ghetegnéa; l’era ‘n’onor,
adésso el saréa el più gran dispéto
par i parenti, colpìdi dal dolor.
Apena ch’el veciéto e la veciéta
i palesa da erghe un disturbéto,
via all’ospedal…..co na pressia maningréta
par evitàr che i mora sul so léto….
cossì, in casa, no ghe sarà secàde,
gnente veglie, candele, gnanca rosàri,
ghe pensa le Agensie che ié pagàde…
Quei che more a casa ormai ié rari….
apena e se n’acorze o i gà ‘l sospéto,
sta sicuro che no te mori sul to léto !

k27

NA  VECIETA

Na veciéta che conosso,
incurvà dai tanti àni,
sempre càrga de dolori,
de pensieri e de afàni,
ogni òlta che l’incontro,
mì in bici e ela a pié,
me vien òia de smontàr
par basàrla e dirghe ché
la ringrassio par l’esempio
che ogni òlta la me dà,
ela calma e soridente,
mi nervoso e indafarà.
Parchè sempre lé serena ?
Ci ghe dà la contentessa ?
Ogni matìna sta veciéta
la và in césa ascoltàr messa
e la fà la Cominiòn
no la pensa più al dolòr,
lé serena, calma e bòna
parché in ela ghé l’ Signòr !

k27

TUTU’  TUTU’  museta

Tutùtutù  musséta
son n à de na ceséta
a pregà el Padreterno
parchè no vàa al’inférno,
in paradiso mi voi nàr
pan de oro voi magnàr.
Tutù  tutù musséta
son nà dala Marieta
a dirghe se la zuga
co la me  tartaruga,
la mà risposto <NO>
el parchè mi no lo sò.
Tutù  tutù musséta
son nà de na caséta
ando ghera dù veciéti
con quatro buteléti
che arénte a un comò
i zugàva a campanò

k27

NA  BELA  COPIA

Magnadegusto e Boicolgòto
i ò trové su in Folgaria,
l’era verso mezogiorno
e i naséa ne n’ostaria.
Ià ordinà do pastasùte,
sié brisòle cote ai féri,
tante nòse, pomi e peri
e quatro litri de vin bon.
Ma sicòme Magnadegusto
el gavéa ancora fame,
là ordinà mézo salame
con polenta brustolà.
Beicolgòto, stràco morto,
intrigà a star in pié,
avendo ancora sé,
n’antro fiasco là ordinà.

k27

L’ IMBRIAGON

(ela) Son stùfa, proprio stùfa,
ogni sera na barùfa,
no so più cossa me fago
col marì sempre imbriàgo
(lù) Maria, vérzeme la porta,
la me ciàve la par stòrta,
no la và drento dal bùso
e par questo son delùso.
(ela) Causa tua no ghem più chiéte
parchè ogni sera se ripéte
che te torni pien de vìn
e no gavémo più un sesìn.
(lù) Cara dona, te voi ben
ma al vin ghen voi de più
e più che mì de beo
de più me tiro sù.
Se gavésse tuto el vin
che in trent’ani ò beù,
el Progno faréa còrare
par un mese e anca più.

k27

LA  BICI

Eco, son pronto
e alora monto
sula me bici usa,
pedàlo, pedàlo,
schivo na bùsa,
pò, col diél
sono el campanél,
in discesa freno
e …… zo de corsa
come un treno.
Dopo un bél pésso
traverso un ponte …..
pò fao na salita
e, straco e sudà,
arivo sul monte.
Posto la bicicleta,
poareta,
anca ela malcònsa,
a un vecio muréto,
parchè la sponsa
insieme con mì.
Parchè, tra poco,
dovém ritornar
e, insiém ritornar
e, insieme, rifàr,
pedalàda su pedalàda,
ancora la stessa strada.

k27

LA  FILANDA

Murisgrosté,
scalini sbecolè e ròti,
mufe vécie de cento ani,
ùsertole, formighe e panaròti,
brespe, mosche e ragni,
signàpole, moréciole
e rati da aqua,
grossi come gati …..
tuti questi i é i paròni
de sta filànda
ùda, vécia, granda,
alta sié piani,
e morta da tanti ani.
Filànda o Seda …..
tegnùda lì par ricordo,
parchè se vada vegnér fora
dai finestroni
làgrime a séci,
sachi de tribulazioni,
de sospiri e patiménti
e parchè te sénti
el serio ciacolàr de buteléte
che drento de ti, laoràndo,
poarète,
le se rivinàva
salute e gioventù.
Tra quele donéte
sénto una che me ciàma …..
lé la voce calda de me mama
che la gavéa dies’ani !

438

LODE  DE  LA  SCORESA

Carissimo amigo, valente avocato, nà lode a la merda co arte t’è fato,
t’è fato na lode che val un tesoro :
te si proprio un maestro del foro.
Mi ‘desso defendo, pur sensa pretese, le  “gran maltràtade” voì dir le scorese.
La merda l’è merda : gh’è poco da dir, l’è proprio da stronsi voler contradir.
Ma almànco ‘na rima la andava ben spesa par métar sul piato la pora scoresa.
La gente distinta ghe dise porcon a quel che scoresa : no l’é educassion !
Mi so che a  le sconte, la gente educàda la mola de gusto la so scoresada,
metendo da parte la bona creansa, parchè la scoresa desgròpa la pansa.
Me piase da mati quel to sentimento, che quando te caghi te resti contento.
Ma ti, scoresando, amigo Angelin, più arioso e ligero te vedi el destin.
Machè tranquillanti ! Magnemo fasòi e po’ scoresemo : l’è qua che te vòi !
La merda l’é merda : nessun te la tòca.
Ma sì, l’é pressiosa sia fresca o patòca, l’è ‘l sal de la tera, l’è forte, l’è varia.
Ma l’è la scoresa che domina l’aria.
D’accordo le merde j’è picole e grosse, però, caro amìgo, ghe manca la vosse.
E se de le merde ghe n’è tante specie, te còti scorese par tute le récie.
Gh’è quela che tase : bison star a l’erta, che quela l’è proprio na brasa coèrta :
la nasse de sfroso, la slòia a l’inglese, la fa vègnar gialo piassè de un cinese.
Gh’è quele dei bòcia, che jè ancòra tate e pàr che le g’àbia la boca da late.
Gh’è po’ le scorese del bon manoval, che solo a sfiorarle le pol farte mal.
I furbi avocati g’à quele che spéla e par vignar  fora le vòl la parcéla.
E quele dei preti le vien de scondon, lassando ne l’aria na benedission.
Le sane scorese tirè dai dotori le tien le distanse: l’è roba da siori.
Ma quele, purtroppo, del poro impiegato, passà el ventisete le perde de scato.
Gh’è quele vestide, un pò liquidete: bison star atenti, frenar le fissete.
Infàti i vecioti, dai prosi che perde, i tira scorese ch’j'è pèso merde e ne le mudande, al posto del bol, ghe sbrissia cagade che impiéna un parol.
Ma zà la la scoresa gaiarda e sovrana l’è quela sincera, l’è quela nostrana.
L’è quela che canta, che vola nel cel, che quando l’è fissa la sbrega el bavel.
Bison che dichiara, par la precision, che ‘l cul scoresando no ‘l fa ondulassion : no l’è gnente vera che co na scoresa te pol vegnar risso sparando la spesa.
Infati me nono, che avea provà, da risso che l’era ‘l s’à tuto pelà.
L’è vera, par altro, che sensa la boca se pòl ben capirse tirando na còca: e che ciacolade fa un proso da mul : siben che j’è sempre discorsi da cul.
Infati zò a Roma gh’è tanti bei siori che i parla, i straparla po’ i bèga tra lori
e i fa un gran casoto, e i fa un gran sigàr, ma dopo i g’à ‘l vìsio che i torna a parlar.
Sarìa la fortuna del nostro Paese se a boca serada i tirase scorese, creando ‘n ambiente più vero e intonà, vestendo de spussa quel casso che i fa.
La merda l’è merda, amigo avocato, par questo rispeto la gente de stato.
Capisso l’impegno, le pétole, i sforsi, le gran fadigasse par farne…. discorsi.
Adesso no i magna, no i beve e no i dorme, pensando a la pila par far… le riforme.
No so ci m’à dito che i g’à la pretesa de métar na tassa par ogni scoresa.
E qua me permeto de dirghe che i sbàglia: sarìa la rovina completa d’ Italia.
Infàti, tassando la vosse più onesta, vòl dìr pipolàrghe quel poco che resta.
Te robo del tempo par farme scoltar, se ocor te gh’è prèssia de andar…. a cagar.
E alora, concludo con sié parolete : le ” gran maltratàde ” le sia benedete !
Le canto e le scrivo ché tuti i le lesa, e adesso permetti, bison che scorésa !

438

DOMENICA

Doman l’è festa, dise da secoli el sabo.
E i omeni strachi i sospira
na’ giornada de chiete
e i putei se parecia
na giornada piena de zughi
sui pra’ sempre verdi de l’amor…..
Ma i veci – i pori veci come e più de mi – ,
quando tuto se ferma intorno a lori,
sia pure par un giorno,
l’è un giorno de manco de vita che fa
paura a vedarlo pasar davanti ai oci.
Eco parchè i và in cesa più dei putei,
i soli
che pol spetar anca de festa.

438

FASOI e ARTIGLIERIA

Co’ i fasoi de ieri sera
m’ho sognado ch’era in guera
messo, giusto, in posision
de drio al culo de un canon …..
M’ho svejado e gò capio
che quel culo l’era ….. el mio !

Morale

Co’ i fasoi che me manda Ricardo
dormo, sogno e sognando bombardo …..
Ma co’ i colpi che vien dai fasoi
se bombarda soltanto i nissoi
e se anca de vien più de uno
con quei colpi no crepa nissuno
chè, par quanto che i fassa del ciasso,
tut’al più pol crepar el stramasso !
Viva, dunque, i fasoi de Lamon
e ….. pasiensa par qualche sbregon…..

2880628n4egn7rb7m

ME MAMA

 

Me mama la g’avèa

i cavèi binè nel crucolo

biondi e longhi combinè

coèrti dal fassol su la testa,

ma de note coa’n la vegnéa

a tirarne a posto le coèrte

la ghe i’avéa molè su le spale

e l’éra bela come la Madona,

a ondese fioi la ghe pensàa éla

e du so fradeleti

mama i le ciamàa ;

a tuti la ne ridèa.

La portàa sempre na corona

sconta ne la scarsèla del grombiàl,

la pregàa la Santa Maria

parché la ne tegnesse tuti ia dal mal,

qua’n la serà i oci par senpre

la domandà scusa a tuti,

tuti quei che la g’à volù ben,

la na dito a pian a pian:

” De pì no’ son sta bona de far.”

Luigi  Ederle